Ձերբակալվել է ՀՀ ՊՆ ռազմական ոստիկանության Երևանի բաժնի պետի տեղակալը
Հակակոռուպցիոն կոմիտեն ձերբակալել է ՀՀ ՊՆ ռազմական ոստիկանության Երևանի բաժնի պետի տեղակալին։ Այս մասին հաստատել են Հակակոռուպցիոն կոմիտեից:
Խոշոր չափերով կաշառք ստանալու մեղադրանքով ձերբակալվել է ՀՀ ՊՆ ռազմական ոստիկանության պաշտոնատար անձ՝ նրա նկատմամբ կալանքը որպես խափանման միջոց կիրառելու նպատակով վերջինիս դատարան ներկայացնելու համար:
Armlur.am-ը գրել էր, որ իրենց հասած տեղեկությունների համաձայն՝ նրան ձերբակալել են այն բանի համար, որ վերջինս փորձել է միջամտել զորակոչին, ինչ-որ շահագրգռվածությունից ելնելով՝ խուսափելու զինվորական ծառայությունից:
