Սիրիայի ԱԳՆ-ն՝ երկրի տարծքում իրանամետ խմբավորումների մասին
Սիրիական հետախուզական ծառայությունները տեղեկություններ չունեն Արաբական Հանրապետության տարածքում իրանամետ արմատական խմբավորումների գործունեության մասին: Այս մասին « Ալ Արաբիա» հեռուստաալիքին տված հարցազրույցում հայտարարել է Սիրիայի արտաքին գործերի նախարարության ներկայացուցիչ Քութայբա Իդլբին:
«Մենք այս գործողությունների վերաբերյալ որևէ կոնկրետ հետախուզական տեղեկություն չունենք», - ասել է նա։
Սիրիայի արտաքին գործերի նախարարության ներկայացուցիչը ընդգծել է, որ երկրի նոր կառավարության հետ միջազգային համագործակցության կարևորությունը՝ նման սպառնալիքները գնահատելու և Սիրիայի ինքնիշխանության հնարավոր խախտումները կանխելու համար։
Հավելենք՝ ավելի վաղ Իսրայելի բանակի (IDF) մամուլի ծառայությունը հայտարարել էր, որ գիշերային ստուգայց է իրականացրել Սիրիայի տարածքում, որի արդյունքում ձերբակալվել է Իրանի հետ կապեր ունենալու մեջ կասկածվող արմատականների խումբ։ Ավելի վաղ Իսրայելի վարչապետ Բենիամին Նեթանյահուն պահանջել էր Սիրիայի հարավի «լիակատար ապառազմականացում» և հայտարարել, որ այնտեղ թույլ չի տա որևէ զինված խմբավորման ներկայություն։
