Ռուսաստանն ու Ադրբեջանը խզում են տնտեսական կապերը

«Ռոսսելխոզնադզորը» արգելում է ադրբեջանական ALLBUY և MILK PRODUCTS ՍՊԸ-ների բոլոր տեսակի կաթնամթերքի ներմուծումը Ռուսաստան: Այս մասին հայտնում է ռուսական գերատեսչության կայքը։

«Որոշումն ընդունվել է ռուսական ծառայության կողմից Ռուսաստանի տարածք ներկրում իրականացնող կաթնամթերքի նշված արտադրողներին տեսչություն անցկացնելու ադրբեջանական կողմի մերժման և իրենց արտադրանքի հետագա մատակարարումների նկատմամբ նրանց շահագրգռվածության բացակայության հիման վրա», - ասված է  հաղորդագրության մեջ:

Նշվում է, որ ռուսական գերատեսչությունը Ադրբեջանի իրավասու գերատեսչությանը տեղեկատվություն է ուղարկել մոտ ժամանակներս կաթնամթերքի արտադրության 5 ձեռնարկությունների ստուգում անցկացնելու պատրաստակամության մասին, որոնք շարունակում են իրենց արտադրանքն ուղղարկել Ռուսաստան։ 

Ադրբեջանի սննդի անվտանգության գործակալությունը տեղեկացրել է, որ կաթնամթերքի (կարագի և պանրի) արտադրություն իրականացնող ALLBUY ՍՊԸ-ն և կաթնամթերքի արտադրությամբ և վերամշակմամբ զբաղվող MILK PRODUCTS ՍՊԸ-ն շահագրգռված չեն դեպի Ռուսաստան իրենց ապրանքների հետագա մատակարարմամբ։