Իրանի նախագահը՝ Թրամփի դեմ արված մահափորձերի մասին
Իրանի իշխանությունները երբեք չեն աջակցել ԱՄՆ նախագահ Դոնալդ Թրամփի դեմ մահափորձերին։ Այս մասին ամերիկացի լրագրող Թաքեր Քարլսոնի հետ հարցազրույցում ասել է Իրանի նախագահ Մասուդ Փեզեշքիանը, գրում է «ՏԱՍՍ»-ը։
«Սրանք այն ակնարկներն են, որոնցով Նեթանյահուն փորձում է համոզել ամերիկյան ժողովրդին կամ նախագահին, բայց դա իրականությանը չի համապատասխանում», - ասել է Փեզեշքիանը։
Փեզեշքիանի խոսքով՝ նման հայտարարությունները Իսրայելի վարչապետի փորձերն են «Միացյալ Նահանգներին ներքաշելու հավերժական պատերազմների մեջ՝ Մերձավոր Արևելքի տարածաշրջանում անկայունություն և քաոս սերմանելու համար»։
Հիշեցնենք՝ 2024 թվականի հուլիսին և սեպտեմբերին ԱՄՆ նախագահ Դոնալդ Թրամփը մահափորձերի թիրախ դարձավ։ Դրանից հետո քաղաքական գործիչը հայտարարել էր, որ Իրանը սպառնալիք է ներկայացնում իր կյանքի համար։
