BRICS-ը տնտեսության ոլորտում զգալիորեն գերազանցում է G7-ին. Պուտին
BRICS-ը տնտեսության ոլորտում զգալիորեն գերազանցում է G7-ին: Այս մասին Ռիո դե Ժանեյրոյում BRICS գագաթնաժողովի գլխավոր լիագումար նիստում հայտարարել է Ռուսաստանի նախագահ Վլադիմիր Պուտինը, որին նա մասնակցում է տեսակապի միջոցով։
Ռուսաստանի նախագահը նշել է, որ BRICS երկրները կազմում են Երկրի ցամաքային տարածքի մեկ երրորդը, մոլորակի բնակչության գրեթե կեսը և համաշխարհային տնտեսության 40%-ը: Արժույթի միջազգային հիմնադրամի տվյալներով՝ միավորման համախառն ՀՆԱ-ն գնողունակության համարժեքությամբ հասնում է 77 տրիլիոն դոլարի։
«Ի դեպ, BRICS-ը այս ցուցանիշով զգալիորեն գերազանցում է որոշ այլ միավորումների, այդ թվում՝ G7-ին: Այնտեղ 57 տրիլիոն դոլար է», - նշել է Պուտինը։
Նա բացատրել է, որ որոշումը կապված է Միջազգային քրեական դատարանի (ICC) պահանջների համատեքստում առաջացած դժվարությունների հետ։ Բրազիլիայի կառավարությունը չի կարողացել հստակ դիրքորոշում ցույց տալ, որը թույլ կտար Պուտինին մասնակցել այդ հանդիպմանը։
Նշենք, որ BRICS գագաթնաժողովը Ռիո դե Ժանեյրոյում տեղի է ունենում հուլիսի 6-7-ը: Բրազիլիայում գտնվող ռուսական պատվիրակությունը գլխավորում է Ռուսաստանի արտաքին գործերի նախարար Սերգեյ Լավրովը: Հունիսի 25-ին Ռուսաստանի նախագահի օգնական Յուրի Ուշակովը հայտարարել է, որ Պուտինը չի մասնակցի Բրազիլիայում կայանալիք BRICS գագաթնաժողովին:
