Չեն հիշում, որ Սաշիկների ու մնացածների ջեբն էր գնում էդ փողը. Ալեն Սիմոնյան

Այսօր Ազգային ժողովում արտահերթ նիստի ժամանակ «Հայաստան» խմբակցության պատգամավոր Արծվիկ Մինասյանը ելույթում հիշեց Փաշինյանի խոսքերը՝ իշխանություններին մեղադրելով քաղաքացուն «տուգանքի մատերիալ» դարձնելու մեջ։

«Պարոն Մինասյան, այնպիսի տպավորություն է, որ ամեն ինչ ուզում եք անել՝ հանկարծակի քաղաքացին այնպես չլինի, որ վճարի ու պետության կառավարման մեջ մասնակցություն ունենա»,- արձագանքել է ԱԺ նախագահ Ալեն Սիմոնյանը:

Նրա խոսքով՝ երևանցու գրպանը Երևան քաղաքի բյուջեն է:

Արծվիկ Մինասյանը տեղից արձագանքեց, ինչից հետո Ալեն Սիմոնյանը նրան հորդորեց տեղից չխոսել։

«Չեն հիշում, որ Սաշիկների ու մնացածների ջեբն էր գնում էդ փողը։ Տուգանքի մատերիալ... Բառ ա, սովորել են մեզնից, պատեհ-անպատեհ ասում են»,- ասել է Սիմոնյանը։