Հուսանք ահաբեկչության խրախուսման փորձ չէր. Կոնջորյանը՝ Լավրովի հայտարարության մասին

Ռուսաստանի արտգործնախարար Սերգեյ Լավրովը հայտարարել է, որ Հայաստանում եկեղեցու վրա հարձակումները լուրջ մտահոգություն են առաջացնում: Այս հայտարարությանը անդրադարձել է «Քաղաքացիական պայմանագիր» խմբակցության ղեկավար Հայկ Կոնջորյանը:

«Նախ՝ Հայաստանում տեղի ունեցող գործընթացները Հայաստանի ներքին գործն են։

Երկրորդ՝ Ռուսաստանի արտգործնախարարի մեկնաբանությունը Հայաստանի ներքաղաքական կյանքին ուղղակի միջամտության փորձ է։

Երրորդ՝ պարոն Լավրովի ձևակերպումները նույնական են Հայաստանում ահաբեկչության կոչ անող շրջանակների բառապաշարին։

Հուսանք, որ սա ընդամենը թեմային չտիրապետելու հետևանք է, այլ ոչ թե Հայաստանում ահաբեկչության խրախուսման փորձ»,- ասել է Կոնջորյանը: