Մակրոնը խոսել է Իրանի նախագահի հետ․ մանրամասներ
Ես հեռախոսով զրուցել եմ Իրանի նախագահ Մասուդ Փեզեշքիանի հետ։ Այս մասին սոցցանցերում գրել է Ֆրանսիայի նախագահ Էմանուել Մակրոնը։
«Ես կոչ եմ արել ազատ արձակել մեր հայրենակիցներ Սեսիլ Քոլերին եւ Ժակ Պարիսին, ապահովել Իրանում մեր քաղաքացիների և մեր օբյեկտների պաշտպանությունը, նրանք ոչ մի սպառնալիքի չպետք է ենթարկվեն, հետևել հրադադարի ռեժիմին՝ օգնելու համար տարածաշրջանում խաղաղության վերականգնմանը, վերադառնալ բանակցությունների սեղանի շուրջ՝ լուծելու համար բալիստիկ և միջուկային հարցերը, պահել միջուկային զենքի չտարածման պայմանագրի շրջանակները և վերականգնել ԱԷՄԳ աշխատանքն Իրանում՝ լիակատար թափանցիկություն ապահովելու համար։
Ես կշարունակեմ առաջիկա օրերին աշխատել այս նպատակներին հասնելու համար»,- գրել է Մակրոնը։
