Եվրոպայում ռեկորդային շոգ է գրանցվել

Պորտուգալիայի սահմանի մոտ գտնվող իսպանական Էլ Գրանադո քաղաքում +46°C է: Սա ռեկորդային ջերմաստիճան է Իսպանիայում հունիս ամսվա համար դիտարկումների ամբողջ պատմության ընթացքում, գրում է Euronews-ը։

Լոնդոնում հունիսի 30-ին օրվա ընթացքում սպասվում է +35°C՝ տարվա սկզբից ի վեր առավելագույնը։ Նույն օրը Մեծ Բրիտանիայի մայրաքաղաքում բացվում է Ուիմբլդոնի թենիսի մրցաշարը։

Գերմանիայում գրանցվել է մոտ +30°C և ավելի բարձր ջերմաստիճան։ «Շատ շոգ և չոր ամառ է։ Երաշտը կարող է վերադառնալ Գերմանիա»,- Bild թերթին ասել է օդերևութաբան Դոմինիկ Յունգը։ Պարբերականի փոխանցմամբ՝ Գերմանիայի որոշ շրջաններում արդեն ցերեկային ժամերին ջրելու արգելք է սահմանվել։