Պատերազմ չենք ուզում, բայց չենք խոնարհվի. Լուկաշենկոյի հայտարարությունը

Բելառուսի նախագահ Ալեքսանդր Լուկաշենկոն ռազմական բուհերի շրջանավարտների և բարձրագույն սպայական կազմի պատվման արարողության ժամանակ հայտարարել է, որ երկրի բնակիչները խաղաղասեր են և չեն ուզում պատերազմել, բայց չեն պատրաստվում ընկրկել թշնամու առջև:

Հանրապետության ղեկավարը շեշտել է, որ ֆաշիստական բռնազավթման ժամանակաշրջանում բազմաթիվ դժվարությունների միջով անցած Բելառուսի ժողովուրդը գենետիկորեն չի ընդունում պատերազմը: Լուկաշենկոյի ձևակերպմամբ՝ բելառուսները խաղաղության կողմնակից են և չեն ցանկանում ռազմական գործողություններ, սակայն մտադիր չեն գլուխ խոնարհել հակառակորդի առաջ: