Սրանք աշխարհի վերջը չեն. Պեսկով
Ռուսաստանի նախագահի մամուլի քարտուղար Դմիտրի Պեսկովը խոսել է Եվրոպայի համար հակառուսաստանյան պատժամիջոցների հնարավոր հետևանքների մասին։ Ըստ նրա, սահմանափակումները «երկսայր սուր» են, և դրանց ազդեցությունը երկկողմանի է: Այս մասին հայտնում է «Коммерсантъ»-ը։
«Որքան լուրջ է պատժամիջոցների փաթեթը, որոնք մենք անօրինական ենք համարում, այնքան, այսպես ասած, ուժեղ է հրացանի հետհարվածը»,- լրագրող Պավել Զարուբինին տված մեկնաբանության մեջ հայտարարել է պարոն Պեսկովը։
ՌԴ նախագահի ներկայացուցիչը նաև համոզված է, որ Ռուսաստանի դեմ նոր պատժամիջոցներ կկիրառվեն՝ «հաշվի առնելով եվրոպացիների ընդհանուր տրամադրվածությունը»։
Ընդ որում, ըստ նրա, Ռուսաստանն արդեն սովորել է նվազագույնի հասցնել պատժամիջոցային ճնշման հետևանքները։
«Ի վերջո, այս պատժամիջոցներն աշխարհի վերջը չեն»,- եզրափակել է Դմիտրի Պեսկովը։
