ԱՄՆ-ից՝ ՆԱՏՕ-ի երկրները 21 միլիարդ դոլարի զենք են գնել
Հյուսիսատլանտյան դաշինքում Վաշինգտոնի դաշնակիցները 2024 թվականին Միացյալ Նահանգներից գնել են մոտ 21 միլիարդ դոլարի տարբեր տեսակի զենքեր, ասվում է ՆԱՏՕ-ում ԱՄՆ մշտական ներկայացուցիչ Մեթյու Ուիթեքերի գրավոր հայտարարության մեջ, որը տարածել է Պետդեպարտամենտի մամուլի ծառայությունը։
«Երբ Եվրոպան ներդրումներ է կատարում իր պաշտպանության մեջ, այն նաև անմիջականորեն աջակցում է Միացյալ Նահանգներում աշխատատեղերի ստեղծմանը, ամրապնդում է մեր արտադրական բազան և ՆԱՏՕ-ի կոլեկտիվ պաշտպանությունը», - ասել է Ուիթեքերը՝ մեկնաբանելով Հաագայում դաշինքի գագաթնաժողովի արդյունքները և անդամ երկրների կողմից պաշտպանության ծախսերը մեծացնելու որոշումը։
Նա հույս է հայտնել, որ ԱՄՆ դաշնակիցները կհաստատեն իրենց պարտավորությունները այս հարցում գործողություններով։
ՆԱՏՕ-ում ԱՄՆ մշտական ներկայացուցչի կարծիքով, Միացյալ Նահանգները գերազանցում է իր դաշնակիցներին զենքի արտադրության ոլորտում նորարարությունների առումով։
Հիշեցնենք, որ ՆԱՏՕ-ի ղեկավարները համաձայնել են պաշտպանության ծախսերը մեծացնել մինչև ՀՆԱ-ի 5%-ը։
