ԱՄՆ-ն և Իսրայելը Իրանի դեմ գործել են սերտ համագործակցությամբ. ԱՄՆ նախագահ

ԱՄՆ-ն և Իսրայելը Իրանի դեմ գործել են սերտ համագործակցությամբ, հայտարարել է Դոնալդ Թրամփը

«Նեթանյահուի հետ գործել ենք որպես միասնական թիմ։ Աստված պահպանի Ամերիկան, Աստված պահպանի Իսրայելը»: Իրանի ուրանի հարստացման հիմնական օբյեկտները լիովին ոչնչացվել են»,- ժողովրդին ուղղված ուղերձում ասել է Թրամփը: 

«ԱՄՆ-ն պատրաստ է կրկին հարված հասցնել, եթե Իրանի հարցը չլուծվի։ Կամ խաղաղություն կլինի, կամ «Իրանը կբախվի շատ ավելի լուրջ ողբերգության»,-ասել է Թրամփը։

Հիշեցնենք, որ հունիսի 22-ի գիշերը Թրամփը հայտարարել է, որ ԱՄՆ ռազմաօդային ուժերը հարձակվել են Իրանի երեք միջուկային օբյեկտների վրա, այդ թվում՝ Ֆորդոյի, Նաթանզի և Սպահանի վրա։ Նա ընդգծել է, որ ԱՄՆ-ի կողմից Իրանի վրա հարվածները ամրապնդել են Իսրայելի անվտանգությունը։