Վերջին 3 օրերին Վերին Լարս է գնացել կոնյակով բեռնված մոտ 70 բեռնատար

Էկոնոմիկայի նախարար Գևորգ Պապոյանը ֆեյսբուքում գրել է վերջին 3 օրերին վրացական Գեզի մաքսակետից դուրս է եկել և Վերին Լարս է գնացել կոնյակով բեռնված 69 բեռնատար։ 

«Վրացական կողմի հետ աշխատանքները շարունակվում են տեմպի արագացման շուրջ»,-գրել է Պապոյանը։

Հիշեցնենք, էկոնոմիկայի նախարար Գևորգ Պապոյանը ֆեյսբուքյան էջում գրառմամբ տեղեկացրել է, որ միայն հունիսի 27–ին ՌԴ տարածք է մտել Հայաստանից արտահանված ծիրանով բեռնված 94 բեռնատար։

«Հունիսին ՌԴ է մտել ընդհանուր 720 բեռնատար։ Ծիրանի արտահանումը շարունակվում է։ Միայն երեկ ՀՀ–ից դուրս է եկել ևս 66 բեռնատար՝ բեռնված ծիրանով»,– գրել է նախարարը։

Նշենք՝ 4 օր առաջ նախարար Պապոյանն իր մեկ այլ գրառմամբ նշել էր, որ հունիսի 1–23–ը ՀՀ–ից ծիրանով բեռնված 502 բեռնատար արդեն իսկ հատել է Վրաստան–ՌԴ մաքսային սահմանը։

Այս և արտահանման հետ կապված մի շարք խնդիրների լուծման համար Գևորգ Պապոյանը ՀՀ ՊԵԿ նախագահ Էդուարդ Հակոբյանի հետ հունիսի 23–ին մեկնել էր Վրաստան։