Քաղաքականություն

Մեր հարաբերությունները նոր ձև կստանան․ հայտարարություն՝ Իրանից

Մեր հարաբերությունները նոր ձև կստանան․ հայտարարություն՝ Իրանից
Իրանի և Ատոմային էներգիայի միջազգային գործակալության  միջև համագործակցությունն այժմ նոր ձև կստանա։ Այս մասին հայտարարել է Իրանի արտաքին գործերի նախարար Աբբաս Արաղչին պետական IRIB…

Իրանի և Ատոմային էներգիայի միջազգային գործակալության  միջև համագործակցությունն այժմ նոր ձև կստանա։ Այս մասին հայտարարել է Իրանի արտաքին գործերի նախարար Աբբաս Արաղչին պետական IRIB հեռուստառադիոընկերությանը հարցազրույցում։


«Այսուհետ մեր հարաբերությունները գործակալության հետ նոր ձև կստանան։ Իրանի խորհրդարանի կողմից ընդունված օրենքը հստակեցրել է (ԱԷՄԳ-ի հետ համագործակցության) ուղին, համագործակցության տեսակի շուրջ որոշումը թողնվել է Ազգային անվտանգության բարձրագույն խորհրդի հայեցողությանը», - ասել է նա։


Նախարարը հավելել է, որ տեսչական ստուգումները կասեցվել են, և Իրանը ներկայում հնարավորություն չի տեսնում ԱԷՄԳ-ի տեսուչներին ընդունելու համար։ 


«Մենք դեռ որոշում չենք կայացրել անձամբ Գրոսիին ընդունելու առնչությամբ, իսկ ինչ վերաբերում է տեսուչներին, ապա պետք է ուսումնասիրենք՝ արդյոք դա կհամապատասխանի խորհրդարանի օրենքի դրույթներին», - նշել է Արաղչին և հավելել է, որ միջուկային օբյեկտներին ամերիկյան ավիահարվածների հասցրած վնասը «մեծ է և լուրջ»: 


Հիշեցնենք՝ հունիսի 25-ին Իրանի խորհրդարանի անդամները հաստատեցին ԱԷՄԳ-ի հետ երկրի համագործակցությունը կասեցնելու մասին օրինագծի տեքստը: Հունիսի 26-ին Իրանի Սահմանադրության պահապանների խորհուրդը հաստատեց այս փաստաթուղթը: 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250