Կտրիճի հարցը պետք է հենց Հայ առաքելական եկեղեցին լուծի. Սիմոնյան
Տեսա՞ք իրենց ցուցակը. Սրբազաններ կային, որոնք արդեն նախարար էին: Այս մասին Հանրայինի եթերում հայտարարել է ԱԺ նախագահ Ալեն Սիմոնյանը՝ անդրադառնալով հնչեցված ձայնագրություններին։
Նա նշել է. «Երբ ասում ենք՝ էդտեղ լուրջ խնդիր կա և Աստծու տունը վերածել են ամեն ինչի՝ բացի Աստծու տնից, պատասխանում են՝ կան հարցեր, որոնց մասին չեն խոսում»։
«Ակնհայտ է բոլորի համար, որ Կտրիճ Ներսիսյանը պետք է հեռանա, Կտրիճի հարցը պետք է հենց Հայ առաքելական եկեղեցին լուծի: Կտրիճ Ներսիսյանը պետք է հեռանա, և նա հեռանալու է, որովհետև չի կարող իր անձը պահելու համար ամբողջ Հայ առաքելական եկեղեցին վարկաբեկել»,- հավելել է Ալեն Սիմոնյանը։
