Իրանական կողմը հաստատել է ամերիկյան հարվածների լուրը
Իրանական պետական հեռուստատեսությունը հաստատել է ամերիկյան հարվածների լուրը՝ հայտնելով, որ տարածաշրջանում յուրաքանչյուր ամերիկյան օբյեկտ լեգիտիմ թիրախ է:
Իրանը պնդում է, որ նախապես տարհանել է բոլոր երեք միջուկային օբյեկտները, որոնք ռմբակոծել են ԱՄՆ-ը: Նաև հայտարարվել է, որ Իրանը «լուրջ վնասներ չի կրել, քանի որ նյութերն արդեն տեղափոխվել էին»:
Հիշեցնենք, որ հունիսի 22-ի գիշերը Թրամփը հայտարարել է, որ ԱՄՆ ռազմաօդային ուժերը հարձակվել են Իրանի երեք միջուկային օբյեկտների վրա, այդ թվում՝ Ֆորդոյի, Նաթանզի և Սպահանի վրա։ Նա ընդգծել է, որ ԱՄՆ-ի կողմից Իրանի վրա հարվածները ամրապնդել են Իսրայելի անվտանգությունը։
