Ֆրանսիայում Իրանի դեսպանը՝ Իրանի կապիտուլացիայի գնալու մասին
Իսրայելի հետ հակամարտության ֆոնին Իրանն անվերապահորեն չի գնա կապիտուլյացիայի, ինչը պահանջել է ԱՄՆ նախագահ Դոնալդ Թրամփը: Այս մասին ասել է Ֆրանսիայում Իրանի դեսպան Մոհամեդ Ամին Նեջադը։
«Սա նույն ցանկությունն է, ինչն ունի Իսրայելի վարչապետ Բենիամին Նեթանյահուն: Դա բնավ չի իրականացվի։ Իրանի ժողովուրդը միասնական է ագրեսիայի դեմ», - ասել է նա՝ մեկնաբանելով կապիտուլյացիայի գնալու Թրամփի պահանջը։
Ավելի վաղ Իսրայելի պաշտպանության բանակի մամուլի ծառայությունը հաղորդել էր, որ ռազմաօդային ուժերի 50-ից ավելի կործանիչներ հարվածներ են հասցրել Իրանում թիրախներին, որոնց թվում եղել են հրթիռների համար բաղադրիչներ և ուրանի հարստացման համար ցենտրիֆուգներ արտադրող օբյեկտներ։
