Իրանի դեսպանը խոսել է հայ ժողովրդի աջակցության մասին
«Շնորհակալություն ենք հայտնում ՀՀ իշխանություններին՝ այս ագրեսիան դատապարտելու վճռական դիրքորոշման համար»,- այս մասին Իրան-Իսրայել պատերազմի 5-րդ օրը հրավիրված ասուլիսին հայտարարել է ՀՀ-ում Իրանի Իսլամական Հանրապետության դեսպան Մեհդի Սոբհանին։
«Եվ բարձր ենք գնահատում՝ ազնիվ ժողովրդի զորակցության և աջակցության համար, մենք զգում ենք հայ ժողովրդի հոգևոր աջակցությունը»,-ասսել է դեսպանը։
«Սիոնիստական ռեժիմի կողմից Իրանի դեմ իրականացված անօրինական զինված հարձակումը հարձակում է ամբողջ ՄԱԿ-ի համակարգի վրա և լուրջ սպառնալիք է միջազգային խաղաղությանն ու անվտանգությանը: Անվտանգության խորհուրդը պարտավոր է միջամտել այս հարցում ագրեսիան դադարեցնելու նպատակով»,- հավելել է դեսպանը:
Հավելենք՝ ավելի վաղ Իսրայելում ՀՀ դեսպանությունը հանդես է եկել հայտարարությամբ:
Հիշեցնենք՝ հունիսի 13-ի առավոտյան Իսրայելի պաշտպանության բանակը ավիահարվածներ է հասցրել Իրանի միջուկային օբյեկտներին, բնակելի շենքերին։
