ՀՀ-ում Իրանի դեսպանը` ճառագայթման արտահոսքի մասին
Մենք որևէ տեղեկություն չունենք միջուկային օբյեկտների վրա հարձակումների հետևանքով ճառագայթման արտահոսքի մասին, հունիսի 17-ին լրագրողների հետ զրույցում հայտարարեց Հայաստանում Իրանի արտակարգ և լիազոր դեսպան Մեհդի Սոբհանին։
Նրա խոսքով՝ ԱՏԷՄԻԳ-ը նույնպես համապատասխան զեկույց չի հրապարակել։
Նա հավելեց, որ Նաթանզիի միջուկային կայանը շատ հեռու է Հայաստանից, և անհանգստանալու պատճառ չկա։
Դեսպանը ընդգծեց, որ Թեհրանը զբաղվում է կազմակերպչական հարցերով՝ ապահովելու Հայաստանից Իրան այն քաղաքացիների տեղափոխումը, ովքեր չեն կարողացել հասնել Իրան չեղարկված կամ ուշացած չվերթների պատճառով։
