Համաշխարհային խաղացողներին փորձ է արվում ներքաշել Իրանի հետ հակամարտության մեջ. Արաղչի
Իսրայելը ցանկանում է տարածաշրջանային և համաշխարհային խաղացողներին ներքաշել Իրանի հետ հակամարտության մեջ։ Այս մասին հայտնել է Իրանի արտգործնախարար Աբբաս Արաղչին՝ լեհ գործընկերոջը` Ռադոսլավ Սիկորսկուն։
Արաղչիի խոսքով՝ Իսրայելը հենց այդ նպատակով է հարձակվել Պարսից ծոցում գտնվող Իրանի նավթային օբյեկտների վրա։
Ավելի վաղ նախարարը հայտնել էր, որ հունիսի 14-ին Իսրայելը հարձակվել է Պարսից ծոցի ափին գտնվող Ասալույեի հատուկ էներգետիկ գոտու վրա, որը զբաղվում է «Հարավային Պարս» նավթագազային հանքավայրում արտադրվող էներգետիկ ռեսուրսների մշակմամբ։ Հանքավայրում Իրանի նավթի նախարարությունն այդ օրը հրդեհ է գրանցել։
Հիշեցնենք` հունիսի 13-ին Իսրայելը լայնածավալ գործողություն է սկսել Իրանի դեմ:
