Իսրայելը հարձակվել է Թեհրանի արևմուտքում գտնվող ռազմական կայազորի վրա
Իսրայելը հարձակվել է Թեհրանի արևմուտքում գտնվող ռազմական կայազորի վրա։ Այս մասին հաղորդում է իրանական Fars գործակալությունը։
«Իսրայելը հարվածել է Թեհրանի արևմուտքում գտնվող ռազմական կայազորին։ Կիրառվել են հակաօդային պաշտպանության համակարգեր», - ասվում է հաղորդագրության մեջ։
Ջամարան գործակալության փոխանցմամբ՝ Թեհրանի արևմտյան և արևելյան մասերում լսվել են պայթյունների ձայներ։
Հունիսի 13-ի գիշերը Իսրայելը հարվածել է Իրանի միջուկային և ռազմական օբյեկտներին։ Ի պատասխան՝ Թեհրանը սկսել է պատասխան հրթիռային հարվածներ։ Իրանը խոստացել է լայնածավալ հարվածներ հասցնել Իսրայելի ռազմական ենթակառուցվածքներին, այդ թվում՝ ավիաբազաներին և այլ ռազմավարական օբյեկտներին։
