ԱՄՆ-ն ավիակիրը տեղափոխում է՝ Իսրայել-Իրան հակամարտության սրման պատճառով
Ամերիկյան «Նիմից» ավիակիրը լքել է Հարավչինական ծովի ջրերը և շարժվում է դեպի արևմուտք՝ Իսրայելի և Իրանի միջև հակամարտության ֆոնին, հաղորդում է Reuters-ը՝ հղում անելով Marine Traffiс նավերի հետևման պորտալի աղբյուրներին և տվյալներին։
Ավելի վաղ Military Watch ամսագիրը հայտնել էր, որ ԱՄՆ ռազմաօդային ուժերի KC-135 և KC-46 օդային վառելիքով լիցքավորման ինքնաթիռները լքում են իրենց բազաները աննախադեպ թվով, ենթադրաբար, դրանց հեռանալը կարող է նշանակել, որ դրանք կօգտագործվեն Իսրայելի և Իրանի միջև հակամարտության մեջ:
«Սա արտակարգ օպերատիվ պահանջ է», - ասել է գործակալության աղբյուրը՝ կապված ավիակիրի մեկնման հետ։ Գործակալության այլ աղբյուրների համաձայն, ավիակիրը պետք է այցելեր վիետնամական Դա Նանգ քաղաք հունիսի 20-ին, սակայն նրա այցը չեղարկվել է։
Գործակալությունը, հղում անելով ԱՄՆ ռազմածովային ուժերի Խաղաղօվկիանոսյան նավատորմի հրամանատարությանը, հավելել է, որ Նիմիցի գլխավորությամբ ԱՄՆ ավիակիրների խումբը անցյալ շաբաթ Հարավչինական ծովում ծովային անվտանգությունն ապահովելու գործողություններ է իրականացրել։
