Սարսափելի հետևանքներ կունենա․ հայտարարություն՝ Օմանից
Օմանը դատապարտել Է Իրանի վրա իսրայելական հարձակումը․ այն կարող է հանգեցնել լայնածավալ հակամարտության, ինչպես նաև խոչընդոտում է Վաշինգտոնի և Թեհրանի միջև միջուկային դոսյեի շուրջ բանակցություններին: Այս մասին ասվում է Օմանի արտաքին գործերի նախարարության հայտարարության մեջ, որը հանդես է գալիս որպես միջնորդ Իրանի միջուկային ծրագրի շուրջ ճգնաժամի կարգավորման բանակցային գործընթացում:
«Այս հարձակումը տեղի է ունեցել չափազանց զգայուն պահին, քանի որ ակտիվացել են Իրանի Իսլամական Հանրապետության և Միացյալ Նահանգների միջև միջուկային բանակցությունների վերսկսմանն ուղղված միջազգային ջանքերը: Սա ակնհայտորեն վկայում է դիվանագիտական գործընթացը խափանելու և ավելի լայն հակամարտություն հրահրելու միտումնավոր ձգտման մասին, որը սարսափելի հետևանքներ կունենա տարածաշրջանային և միջազգային կայունության համար», - նշված է հայտարարության մեջ։
Նշենք՝ Իրանը հայտարարել է, որ չի մասնակցի Օմանում ԱՄՆ-ի հետ իրանական միջուկային ծրագրի շուրջ նախատեսված հաջորդ բանակցություններին, որոնք ծրագրված են հունիսի 15-ին։
