Պատասխանը կլինի կոշտ․ Իրանից զգուշացնում են

Իրանի Իսլամական Հանրապետության պատասխանը իսրայելական հարձակումներին կլինի կոշտ: Այս մասին հայտարարել է Իրանի Զինված ուժերի խոսնակ Աբոլֆազլ Շեքարչին։

Նա հայտարարել է, որ Իսրայելի ռեժիմի կողմից գիշերային հարվածները, որոնք, նրա խոսքով, իրականացվել են ԱՄՆ աջակցությամբ, կոշտ պատասխան կստանան։

«Թշնամիները պետք է վճռական պատասխան ակնկալեն զինված ուժերի կողմից։ Զինված ուժերը լիովին պատրաստ են և անպայման վճռական պատասխան կտան այդ գործողություններին։ Վրեժխնդրությունը վճռական կլինի, և սիոնիստական ռեժիմը և Միացյալ Նահանգները շատ բարձր գին կվճարեն», - հայտարարել է նա։

Նշենք, որ հունիսի 13-ի գիշերը Իսրայելի պաշտպանության ուժերը (IDF) սկսեցին «Վերելք առյուծ» անվամբ լայնածավալ գործողություն, որի շրջանակներում ՌՕՈՒ-ն հարվածներ է հասցնում Իրանի միջուկային ծրագրի ռազմական թիրախներին և օբյեկտներին։