Իսրայելի բանակը հայտարարություն է տարածել
Իսրայելական բանակը հայտարարել է, որ ավարտել է գործողության առաջին փուլը, որը ներառում էր Իրանի տարբեր մասերում գտնվող տասնյակ ռազմական, այդ թվում՝ միջուկային օբյեկտների վրա հարվածներ։
Իսրայելի պաշտպանության բանակը հայտարարության մեջ նշել է. «Իրանական ռեժիմի ձեռքում գտնվող զանգվածային ոչնչացման զենքերը սպառնալիք են ներկայացնում Իսրայել պետության համար և զգալի սպառնալիք ամբողջ աշխարհի համար։ Իսրայելը թույլ չի տա, որ հրեական պետությունը ոչնչացնելու նպատակ ունեցող ռեժիմը զանգվածային ոչնչացման զենք ունենա»։ Իսրայելի ռազմաօդային ուժերը հայտարարել են, որ Իրանի տարբեր մասերի դեմ զանգվածային հարվածներին մասնակցել են տասնյակ ինքնաթիռներ։ Հարվածները կատարվել են «բարձրորակ հետախուզության հիման վրա՝ Իրանի միջուկային ծրագրին վնաս հասցնելու նպատակով և ի պատասխան իրանական ռեժիմի կողմից Իսրայելի դեմ շարունակվող ագրեսիայի»։
Հիշեցնենք՝ Իսրայելի բանակը գիշերը հարվածել է Իրանին։ Հարվածի հետևանքով մահացել է Իսլամական հեղափոխության պահապանների կորպուսի (ԻՀՊԿ) հրամանատար, գեներալ-մայոր Հոսեյն Սալամին:
