Վենսը կոչով դիմել է Մասկին
ԱՄՆ փոխնախագահ Ջեյմս Դեյվիդ Վենսը և Սպիտակ տան աշխատակազմի ղեկավար Սյուզան Ուայլսը զանգահարել են Իլոն Մասկին և կոչ արել նրան դադարեցնել վիճաբանությունը ԱՄՆ նախագահ Դոնալդ Թրամփի հետ։ Այս մասին հայտնել է The Wall Street Journal (WSJ)-ը։
WSJ-ի աղբյուրների համաձայն՝ Վենսը և Ուայլսը հեռախոսազրույցի ժամանակ կոչ են արել Մասկին թուլացնել լարվածությունը։ Թերթը նշում է, որ ամերիկացի փոխնախագահը Թրամփի կողմից է, բայց չի քննադատել Մասկին։
Թրամփի և Մասկի միջև հրապարակային վեճը տեղի է ունեցել հունիսի 5-ին։ Միլիարդատերը քննադատել է քաղաքացիների համար հարկային արտոնությունների մասին օրինագիծը։ Ի պատասխան՝ Թրամփը առաջարկել է դադարեցնել Մասկի նախագծերի համար սուբսիդիաների և պայմանագրերի տրամադրումը՝ բյուջետային միջոցները խնայելու համար։
Դրանից հետո X սոցիալական ցանցում նրանց միջև իսկական վեճ է սկսվել, որի ընթացքում Մասկն ասել է, որ առանց իր աջակցության Թրամփը չէր կարողանա հաղթել ԱՄՆ նախագահական ընտրություններում։
