Սյունիքի մարզպետը՝ երկու անչափահաս բնակիչների մոլորվելու և Ադրբեջանի տարածքում հայտնվելու լուրերի մասին

Սյունիքի մարզպետ Ռոբերտ Ղուկասյանը, լրագրողների հետ զրույցում խոսել է վերջերս  երկու անչափահաս բնակիչների մոլորվելու և Ադրբեջանի տարածքում հայտնվելու լուրերի մասին։

«Երբ  լուրը տարածվեց, ես հրաժարվեցի որևէ մեկնաբանություն տալ, այո կար տեղեկություն, որ երիտասարդները չկան և ցանկացած տեսանկյունից, եթե դիտարկենք, իմ մեկնաբանությունը չէր կարող լինել հարյուր տոսկոսանոց ինֆորմացիա։ Հետևաբար ես զերծ մնացի, որևէ մեկնաբանություն տալ, քանի դեռ չէր պարզվել, տղաները հատել են սահմանը, թե ոչ»,- նշել է Ղուկասյանը։

Լրագրողի այն հարցին՝ ԱԱԾ-ն ինչու էր նշում,  տղաների Հայաստան հետ վերադարձնելու մասին Ղուկասյանը արձագանքեց․

«ԱԱԾ-ն վերջին հաղորդագրության մեջ հերքել է այդ փաստը, քանի որ տեղական ինքնակառավարման մարմինների, ինչպես նաև Պաշտպանության նախարարության կողմից տեղեկություններ էին ուսումնասիրվում և հրապարակվում, ըստ այդմ ես զերծ մնացի որևէ չճշտված ինֆորմացի հայտնելուց»,- ասել է Սյունիքի մարզպետը։