Հայաստանում դա գիտակցում են․ Զախարովա

Պաշտոնական Երևանից որևէ ազդակ չենք ստացել Հայաստանում տեղակայված ռուսական ռազմաբազայի դուրսբերման մասին: Այս մասին հունիսի 11-ի ճեպազրույցում հայտնել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

Նրա խոսքով՝ Հանրապետության պաշտոնյաները հաստատում են, այդ թվում՝ հրապարակավ, որ նման հարցեր օրակարգում չկան։


«Հայաստանում գիտակցում են՝ ռուսական ռազմաբազան ոչ միայն երկրի, այլ ընդհանուր տարածաշրջանի անվտանգության ճարտարապետության կարևոր բաղադրիչն է», - ասել է նա:

Զախարովան նշել է․ «Կայանի տեղակայումը եւ գործունեությունը կարգավորվում են Հայաստանի եւ Ռուսաստանի միջեւ համապատասխան երկկողմ փաստաթղթերով։ Այս հարցը երբեք ոչ ոքի կողմից չի բարձրացվել Ադրբեջանի հետ մեր փոխգործակցության համատեքստում կամ հարթությունում»։