Այդ տարածքը դարձել է ռուսական զորքերի թիրախը. Զելենսկի
Ռուսաստանը պլանավորում է «գրավել Օդեսան», ապա հասնել Մոլդովայի և Ռումինիայի սահմանին, հայտարարել է Ուկրաինայի նախագահ Վլադիմիր Զելենսկին Օդեսայում Ուկրաինա-Հարավարևելյան Եվրոպա գագաթնաժողովում: Այս մասին հաղորդել է ուկրաինական «Strana.ua» հրատարակությունը:
«Այսօր մենք այստեղ ենք՝ մեր գեղեցիկ Օդեսա քաղաքում: Այս գեղեցիկ քաղաքը Ռուսաստանի թիրախն է... Ռուսական ռազմական ծրագրերը մատնանշում են այս տարածաշրջանը՝ Օդեսան, ապա՝ Մոլդովայի և Ռումինիայի սահմանը», - ասել է Զելենսկին:
Հունիսի 10-ին Ուկրաինայի մայրաքաղաքի օբյեկտներին հասցվել է ամենահզոր հարվածներից մեկը: Կիևից բացի, հարձակվել են Օդեսայի, Չեռնիգովի և Դնեպրոպետրովսկի մարզերի թիրախների վրա: Ռուսաստանի պաշտպանության նախարարության տվյալներով՝ հարվածը հասցվել է ռազմական ձեռնարկությունների և օբյեկտների վրա:
