ԱՄՆ-ն կկրճատի Ուկրաինային տրամադրվող ռազմական օգնությունը

ԱՄՆ պաշտպանության նախարար Փիթ Հեգսեթը հայտարարել է, որ Ուկրաինային տրամադրվող ռազմական օգնությունը կկրճատվի առաջիկա պաշտպանական բյուջեում, գրում է Associated Press-ը։

Սա կարող է նշանակել, որ ապագայում Կիևը կստանա ավելի քիչ կարևորագույն հակաօդային պաշտպանության համակարգեր, որոնք կարևոր են ռուսական հրթիռների անդադար հարձակմանը դիմակայելու համար։

«Սա բյուջեի կրճատում է։ Այս վարչակազմը շատ տարբեր տեսակետներ ունի այս հակամարտության վերաբերյալ։ Մենք կարծում ենք, որ խաղաղ, բանակցային կարգավորումը համապատասխանում է երկու կողմերի և մեր երկրի շահերին», - ասել է Հեգսեթը։

Հավելենք՝ մինչ օրս ԱՄՆ-ն Ուկրաինային տրամադրել է ավելի քան 66 միլիարդ դոլարի օգնություն՝ 2022 թվականի փետրվարից ի վեր։