Երբ փոքր խուլիգաններին տեղն ես դնում, հայտնվում են մեծ խուլիգանները․ Լավրով
Լատվիան, Էստոնիան և Լիտվան հիշեցնում են մանկության տարիների «փոքրիկ խուլիգաններին», որոնք երբեմն 15 կոպեկ են խնդրում, երբեմն՝ սենդվիչ տանում։ Այս մասին հայտարարել է Ռուսաստանի Արտաքին գործերի նախարար Սերգեյ Լավրովը, գրում է Ведомости․ру-ն։
«Երբ դպրոցից հետո դուրս ես գալիս բակ խաղալու, այս երեք փոքրիկ խուլիգանները վազում են դեպի քեզ, սկսում 15 կոպեկ խնդրել, կամ խլում են քո սենդվիչը: Երբ սկսում ես փոքր խուլիգաններին իրենց տեղը դնել, հայտնվում են նրանց առաջնորդող մեծ խուլիգանները։ Սա նման է Բալթյան երկրների և եվրոպական հսկաների հետ իրավիճակին», - նշել է Լավրովը։
Նրա խոսքով՝ «երբ մարդը սկսում է տեղը դնել այդ խուլիգաններին, հայտնվում են մեծ խուլիգանները, որոնք փոքրիկներին ուղղորդում և լարում են պետությունների կամ մարդկանց դեմ»:
