Արծվիկ Մինասյանն՝ իր վերաբերյալ վարույթ նախաձեռնելու մասին

ՀՀ ԱԺ «Հայաստան» խմբակցության քարտուղար Արծվիկ Մինասյանը տեղյակ չի եղել, որ իր վերաբերյալ վարույթ է նախաձեռնվել։ Այդ մասին գրել է «Փաստինֆոն»։

Լրատվամիջոցի տեղեկություններով՝ եթե Սեյրան Օհանյանի վերաբերյալ տարբեր ակնարկներ լինում էին ու սպասվում էր, որ նրա նկատմամբ նոր հետապնդում կիրականացվի, ապա Արծվիկ Մինասյանի դեպքում անսպասելի է եղել։

Ըստ տեղեկությունների մինչ այժմ Արծվիկ Մինասյանը հանդես էր գալիս տուժողի կարգավիճակում, քանի որ տեսախցիկների ներկայությամբ 2022 թ. մայիսի 18–ին իրավապահները նրա նկատմամբ բռնություն էին գործադրել, սակայն անցած տարիներին այդ դեպքը փորձ արվեց պարտակել ու մեղավորներին պատասխանատվության չենթարկել, ինչի դեմ պատգամավորը հետևողականորեն պայքարում է։

Հիշեցնենք, որ ՀՀ գլխավոր դատախազը դիմել է ԱԺ նախագահ Ալեն Սիմոնյանին՝ միջնորդելով, որ խորհրդարանը թույլ տա քրեական գործ հարուցել ԱԺ «Հայաստան» խմբակցության ղեկավար Սեյրան Օհանյանի և նույն խմբակցության քարտուղար Արծվիկ Մինասյանի նկատմամբ: