Այդ որոշումը ցույց է տալիս «խորը թշնամանք»․ իրանցի պաշտոնյա
Իրանի արտաքին գործերի նախարարության՝ իրանցի արտագաղթողների հարցերով գլխավոր տնօրեն Ալիռեզա Հաշեմի-Ռաջան քննադատել է ԱՄՆ նախագահ Դոնալդ Թրամփի կողմից մի քանի երկրների, այդ թվում՝ Իրանի քաղաքացիների նկատմամբ սահմանված մուտքի արգելքը:
Նրա խոսքով՝ այդ որոշումը ցույց է տալիս «խորը թշնամանք» իրանցիների նկատմամբ և խախտում է միջազգային իրավունքի հիմնարար սկզբունքները, այդ թվում՝ խտրականության բացառման ու մարդու հիմնարար իրավունքների նկատմամբ հարգանքի սկզբունքը:
Հիշեցնենք՝ ավելի վաղ ԱՄՆ նախագահ Դոնալդ Թրամփը ստորագրել է հռչակագիր, որով արգելվում է 12 երկրների քաղաքացիների մուտքն Ամերկայի Միացյալ Նահանգներ: Այդ երկրների թվում է նաև Իրանը։
