Հետևյալ երկրների քաղաքացիների մուտքն ԱՄՆ ամբողջությամբ արգելվեց
ԱՄՆ նախագահ Դոնալդ Թրամփն ամբողջությամբ արգելել է 12 երկրներից, այդ թվում՝ Աֆղանստանից, Չադից, Կոնգոյից, Հասարակածային Գվինեայից, Հայիթիից և Իրանից, մուտքը ԱՄՆ, ասվում է պետության ղեկավարի հրապարակված հրամանագրի տեքստում։
«Միացյալ Նահանգների արտաքին քաղաքականության, ազգային անվտանգության և հակաահաբեկչական նպատակները հաշվի առնելուց հետո, ես որոշել եմ ամբողջությամբ արգելել և սահմանափակել հետևյալ 12 երկրների քաղաքացիների մուտքը. Աֆղանստան , Բիրմա (Մյանմա), Չադ, Կոնգոյի Հանրապետություն, Հասարակածային Գվինեա, Էրիթրեա, Հայիթի, Իրան, Լիբիա, Սոմալի, Սուդան և Եմեն», - ասվում է փաստաթղթում։
Հավելենք՝ այս սահմանափակումները վերաբերում են ներգաղթային և ոչ ներգաղթային վիզաներով օտարերկրացիների Միացյալ Նահանգներ մուտք գործելուն, նշվում է հրամանագրում։
