ՌԴ-ն պատրաստ է նպաստել Թրամփի և Մասկի հաշտեցմանը. Մեդվեդևը պայման է նշել
Ռուսաստանը պատրաստ է նպաստել ԱՄՆ նախագահ Դոնալդ Թրամփի և միլիարդատեր Իլոն Մասկի հաշտեցմանը՝ «ողջամիտ վարձատրության» դիմաց։ Այս մասին X-ում հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը:
Մեդվեդևը հայտարարել է, որ Ռուսաստանը պատրաստ է օգնել Թրամփի և Մասկի միջև «խաղաղության համաձայնագրի» կնքմանը՝ Մասկի գլոբալ արբանյակային կապի Starlink համակարգում «բաժնեմաս ձեռքբերելու» դիմաց:
«Մենք պատրաստ ենք նպաստել Դ-ի և Ի-ի (Դոնալդ Թրամփի և Իլոն Մասկի միջև) խաղաղության համաձայնագրի կնքմանը ողջամիտ վճարի դիմաց և որպես վճար ընդունել Starlink-ի բաժնետոմսերը։ Մի՛ վիճեք, տղե՛րք», - գրել է Մեդվեդևը։
Հիշեցնենք, որ ԱՄՆ նախագահ Դոնալդ Թրամփը և գործարար Իլոն Մասկը հրապարակավ վիճել են։ Միլիարդատերը Սպիտակ տան ղեկավարին «ստախոս» է անվանել, ասել է, որ առանց նրա Թրամփը չէր հաղթի ընտրություններում և անուղղակիորեն մեղադրել է նրան մանկապղծության համար։ Թրամփը պատասխանել է, որ ձեռնարկատերը «խելագարվել» է և առաջարկել, որ Մասկի ընկերություններն այլևս չստանան պետական սուբսիդիաներ և պայմանագրեր:
ԱՄՆ նախագահ Դոնալդ Թրամփը լրագրողներին հայտարարել է, որ «անչափ հիասթափված է» միլիարդատեր Իլոն Մասկից։ Ամերիկացի միլիարդատեր Իլոն Մասկը X-ի իր էջում պատասխանել է ավելի վաղ ԱՄՆ նախագահ Դոնալդ Թրամփի կողմից իր հասցեին հնչեցրած որոշ մեղադրանքներին:
Ռեփեր Քանյե Ուեսթը ևս կոչ է արել ԱՄՆ նախագահ Դոնալդ Թրամփին և ամերիկացի միլիարդատեր Իլոն Մասկին դադարեցնել հակամարտությունը։
