Սամվել Շահրամանյանին կրկին հարցաքննում են
Արցախի նախագահ Սամվել Շահրամանյանն այս պահին ՀՀ քննչական կոմիտեում է, նրան կրկին կանչել են հարցաքննության։ 24News-ին այս մասին հայտնել է Շահրամանյանի փաստաբան Ռոման Երիցյանը։
Վերջին մեկ ամսում նա արդեն 6-7 անգամ հրավիրվել է ՀՀ քննչական կոմիտեի զինվորական քննչական գլխավոր վարչություն՝ հարցաքննության։ Այն գործը, որի շրջանակում Շահրամանյանը հարցաքննվում է, վերաբերում է Արցախի Հանրապետության հանձնմանը, պատերազմի ժամանակ ցուցաբերած զինվորական պաշտոնեական անփութությանը, ինչպես նաև զենք-զինամթերքը և սպառազինությունը թշնամուն հանձնելուն։
Շահրամանյանի փաստաբան Ռոման Երիցյանն ավելի վաղ հայտնել էր, որ Շահրամանյանը հարցաքննվում է վկայի դատավարական կարգավիճակով, նրան որևէ մեղադրանք չի առաջադրվել։
