Ամոթ նրանց. սա նողկալի օրինագիծ է. Մասկ

Ամերիկացի գործարար Իլոն Մասկը սուր քննադատության է ենթարկել ԱՄՆ նախագահ Դոնալդ Թրամփի դաշնային ծախսերի կրճատման մասին օրինագիծը, որը նա անվանել է «միասնական, մեծ և գեղեցիկ»։ Այս մասին նա գրել է իր X սոցիալական ցանցում:

«Այս ծախսերի մասին օրինագիծը զզվելի նողկալի բան է։ Ամոթ նրանց, ովքեր քվեարկել են դրա օգտին։ Դուք գիտեք, որ ձեր արածը սխալ էր։ Դուք գիտեք դա», - գրել է Մասկը։

Հավելենք՝ ԱՄՆ Ներկայացուցիչների պալատը մայիսի 22-ին ընդունեց նախագահ Դոնալդ Թրամփի «մեծ, գեղեցիկ» ներքին քաղաքականության օրինագիծը։ Օրինագիծը շաբաթներ շարունակ քննարկվել է և բուռն քննարկումներ է առաջացրել Հանրապետական ​​կուսակցության ներսում ։

Փաթեթը ներառում է 2017 թվականի հարկային կրճատումների երկարաձգում, զինված ուժերի ընդլայնում և ամերիկացի առաջնորդի զանգվածային տեղահանությունների ծրագրերի իրականացում: Այս օրինագծի օգնությամբ Թրամփը կկարողանա կատարել երկու նախընտրական խոստումներ՝ վերացնել թեյավճարների և արտաժամյա աշխատանքի հարկերը: