Անթալիայում մեծ քանակությամբ հյուրանոցներ են փակվում
Թուրքիայի իշխանությունները հայտարարել են, որ Անթալիա քաղաքի կենտրոնական մասում գտնվող 294 հյուրանոցներից 174-ի գործունեությունը ժամանակավորապես կասեցվել է: Ժամանակավորապես փակված հյուրանոցները չեն անցել հրդեհային անվտանգության ստուգումը և չեն վերացրել խախտումները սահմանված ժամկետում։
Ստուգումն իրականացվել է Անթալիայի նահանգապետի հրամանով և նախարարության պահանջով՝ մի շարք միջադեպերից հետո, այդ թվում՝ 2025 թվականի հունվարին «Գրանդ Քարթալ» հյուրանոցում տեղի ունեցած խոշոր հրդեհից հետո:
Խոսքը վերաբերում է սովորաբար փոքր հյուրանոցներին կամ հյուրատներին, որոնք պարտավոր չեն պահպանել հիմնական լիցենզիա ունեցող հյուրանոցների պահանջների ամբողջական ցանկը: Սակայն, նրանք պարտավոր են պահպանել հիմնական անվտանգության չափանիշները, այդ թվում՝ հրդեհային անվտանգության միջոցառումները։ Փակված օբյեկտների ցանկը հրապարակված չէ, և հայտնի չէ, թե արդյոք միջոցառումները վերաբերում են որևէ հայտնի կամ ցանցային հյուրանոցի։
