Մայրն ու դուստրը խափանել են Մեծ Բրիտանիայից դեպի Ճամայկա թռիչքը

Կանայք Մանչեստրից թռչում էին Ճամայկա։ Ականատեսների վկայությամբ՝ մայրն ու դուստրը խմել են օդանավակայանում և թռիչքի ընթացքում, ապա սկսել են բարձրաձայն հայհոյել և պահանջել դուրս գալ ինքնաթիռից հենց թռիչքի ժամանակ։ Անձնակազմը չի կարողացել հանգստացնել ուղևորներին, և օդաչուները որոշել են արտակարգ վայրէջք կատարել։

Նրանց ագրեսիվ վարքագծի պատճառով ինքնաթիռը շտապ վերաուղղորդվել է դեպի Կանադա։ Այս ընթացքում դուստրը կապված է եղել իր նստատեղին։ Կանադայում վայրէջք կատարելուց հետո ոստիկանները մտել են ինքնաթիռ։ Ուղևորները նկարահանել են տեսանյութ, որտեղ երևում է, թե ինչպես են կանանց ձեռնաշղթաներով իջեցնում ինքնաթիռից, իսկ մյուս ուղևորները ծափահարում են։

Արդյունքում, ինքնաթիռը Ճամայկա է ժամանել ավելի քան վեց ժամ ուշացումով։