Արգելվել է մեծ քանակությամբ ձմերուկի ներմուծումը Հայաստան
Արգելվել է 213 տոննա շեղումներով ձմերուկի ներմուծումը Հայաստան: Այս մասին հայտնում են ՍԱՏՄ-ից։
ՀՀ Սննդամթերքի անվտանգության տեսչական մարմինը նմուշառումներ է կատարվել 2025 թվականի մայիսի 26-ից մինչև մայիսի 31-ն ընկած ժամանակահատվածում Հայաստանի Հանրապետություն ներմուծված 557 տոննա ձմերուկի խմբաքանակներից:
«Լաբորատոր փորձաքննության արդյունքում, հունիսի 1-ի դրությամբ, արգելվել է 213 տոննա ձմերուկի մուտքը երկիր՝ պայմանավորված «նիտրատներ» ցուցանիշով հայտնաբերված անհամապատասխանություններով»,–ասված է հաղորդագրության մեջ:
Նշվում է, որ ձմերուկի մյուս խմբաքանակների հետազոտության արդյունքները կհրապարակվեն պատրաստ լինելուն պես:
