Ուշակովը պատասխանել է Պուտին-Թրամփ հնարավոր հանդիպման մասին հարցին
Առայժմ Վլադիմիր Պուտինի և ԱՄՆ նախագահ Դոնալդ Թրամփի անձնական հանդիպման վերաբերյալ կոնկրետ պայմանավորվածություններ չկան։ Այս մասին հայտարարել է Ռուսաստանի նախագահի օգնական Յուրի Ուշակովը։
Ըստ նրա, նման հանդիպումը մանրակրկիտ նախապատրաստություն է պահանջում և պետք է դառնա լայնածավալ իրադարձություն, որը կհանգեցնի լուրջ արդյունքների։
«Գաղափարները ճախրում են օդում, հասկանալի է, բայց՝ երբ կլինեն ինչ-որ արդյունքներ, որոնք կարող են քննարկվել նախագահական մակարդակով։ Այսինքն՝ պետք է մանրակրկիտ նախապատրաստություն լինի այս հանդիպման համար»,- ասել է Ուշակովը։
Նա հավելել է, որ նախապատրաստության վրա պետք է աշխատեն Կրեմլի և Սպիտակ տան մասնագետների թիմերը։
Հնարավոր հանդիպման ժամկետների մասին հարցին ի պատասխան՝ Ուշակովը հայտարարել է, որ գուշակել կարելի է, բայց անիմաստ է։ «Կարելի է գուշակել, որ ընթացիկ տարում, օրինակ։ Բայց, անշուշտ, փաստ չէ»,- ասել է նա։
