Ադրբեջանի նպատակն է ներխուժել Հայաստան․ Անն-Լորանս Պետել

Սյունիքի հայերն ամեն օր բախվում են ադրբեջանական ագրեսիային: Այս մասին X սոցցանցում գրել է Ֆրանսիայի Ազգային ժողովի Ֆրանսիա-Հայաստան բարեկամության խմբի ղեկավար Անն-Լորանս Պետելը։

Նա այսպես մեկնաբանել է ՀՀ ՊՆ հրապարակումներից մեկը՝ Ադրբեջանի զինված ուժերի ստորաբաժանումների կողմից Խոզնավար գյուղի գնդակոծության մասին։

«Կրակ խաղաղ բնակիչների ուղղությամբ։ Սյունիքի հայերն ամեն օր բախվում են այս ադրբեջանական ագրեսիային։ Ադրբեջանի նպատակն է՝ մահվան մշտական վախ ներշնչել, որպեսզի բնակչությունը փախչի և… ներխուժել Հայաստան»,- նշել է պատգամավորը և հավելել․ «Կայա Կալլաս, Ֆոն դեր Լայեն, Ալիևը ձեր «հուսալի գործընկերն» է»։