Ես անհամբեր սպասում եմ Վեհափառի արձագանքին. Նաիրա Զոհրաբյան
Ես անհամբեր սպասում եմ Վեհափառի արձագանքին։ Եթե այսօր՝ ժամերի ընթացքում, Հայ Առաքելական եկեղեցին չբանադրի և նզովյալ չհայտարարի այս զույգին՝ եկեղեցական բոլոր օրենքների և կարգի համաձայն, ուրեմն՝ Նիկոլ Փաշինյանը ճիշտ է, որ Սրբազանին ասում է՝ «գնա դոմփի քեռուդ կնգան» և Աննա Հակոբյանը ճիշտ է, որ ակնարկում է՝ բարձրաստիճան հոգևորականները մանկապիղծ են. Aysor.am-ի հետ զրույցում նման հայտարարություն է արել ԱԺ նախկին պատգամավոր, քաղաքական-հասարակական գործիչ Նաիրա Զոհրաբյանը։
Զոհրաբյանը նկատեց, որ նման հարձակումները եկեղեցու դեմ Ադրբեջանի հոգևոր առաջնորդի ակտիվության շարունակությունն են․ «Հիմա, երբ ակտիվացել է Ադրբեջանի հոգևոր առաջնորդ Ալահշուքյուր Փաշազադեն, ով անգամ Էջմիածինն է համարում ադրբեջանական տարածք․․․»։
Նաիրա Զոհրաբյանը նշեց, որ թեև ինքը երբևէ կեղծ բարեպաշտությամբ չի տառապել և անհրաժեշտության դեպքում մշտապես օգտագործել է սուր լեքսիկոն, բայց անգամ ինքը Փաշինյանի նման գրառումներից «շոկի մեջ է»։
«Ես չէի հավատում, որ դա Նիկոլ Փաշինյանի պաշտոնական էջն է, 5 անգամ ստուգել եմ, բայց գիտեք՝ հիմա ինձ զարմացնում է այս անհասկանալի վայնասունը սոցիալական հարթակներում, որն ընդամենը որպես վայնասուն մնալու և դրանով ավարտվելու է։ Դուք պատկերացրեք՝ եթե Նիկոլ Փաշինյանը նման բան գրած լիներ, օրինակ՝ ամենամեծ աղանդներից մեկի՝ «Կյանքի խոսքի» առաջնորդի մասին, հիմա արդեն հրապարակները լցված կլինեին «Կյանքի խոսք» սեկտայի հետևորդներով»,-ասել է նա։
Հիշեցնենք՝ այսօր առավոտից ՀՀ վարչապետ Նիկոլ Փաշինյանի ֆեյսբուքյան էջում հոգևոր դասի վերաբերյալ քննադատական գրառումներ է կատարվել:
