Գազայում բժշկի տան վրա են հարձակվել․ զոհվել են նրա 9-ը երեխաները
Գազայի հատվածում բժշկի տան վրա իսրայելական ավիահարվածի հետևանքով զոհվել են նրա տասը երեխաներից ինը, երբ նա հիվանդանոցում հերթապահում էր, հայտնում է The Guardian-ը։
Բժիշկ Ալաա ալ-Նաջարը՝ Նասեր բժշկական համալիրի Ալ-Թահրիր հիվանդանոցի մանկաբույժը, պաղեստինյան տարածքում շարունակվող իսրայելական հարձակումների զոհերին էր բուժում, երբ նրա երեխաները զոհվեցին Խան Յունիսում հարվածի հետևանքով։ Նրա երեխաներից ավագը 12 տարեկան էր։
Նասեր հիվանդանոցից հայտնել են, որ Նաջարի երեխաներից մեկը և նրա ամուսինը վիրավորվել են, բայց փրկվել են։
Գրեհեմ Գրումը՝ հիվանդանոցում աշխատող բրիտանացի վիրաբույժը, պատմել է, որ վիրահատել է փրկված 11-ամյա տղային։
Ըստ Գրումի՝ իրեն հայտնել են, որ երեխայի հայրը, որը նույնպես բժիշկ է, «ոչ քաղաքական, ոչ էլ ռազմական կապեր չունի, և նա, կարծես թե, այնքան էլ նկատելի չէ սոցիալական ցանցերում»։
