Գնացքավարը ձերբակալվել է․ Երևան-Գյումրի գնացքի տակ պատանու ընկնելու դեպքի առթիվ հարուցվել է քրվարույթ

Ավելի վաղ հայտնել էինք, որ մայիսի 25-ի ցերեկը Արմավիրի մարզի Ջրառատ գյուղի մոտակայքում Երևան-Գյումրի երթուղին սպասարկող մարդատար գնացքի տակ պատանի է ընկել և մահացել է։

Auroranews-ին ՀՀ քննչական կոմիտեից հայտնեցին, որ դեպքի առթիվ նախաձեռնվել է քրեական վարույթ։

«ՀՀ քրեական օրենսգրքի 341-րդ հոդվածի 2-րդ մասով նախաձեռնվել է քրեական վարույթ: Կատարվել է դեպքի վայրի զննություն, նշանակվել է դատաբժշկական փորձաքննություն: Գնացքավար ձերբակալվել է: Նախաքննությունը շարունակվում է»,- հայտնում են ՀՀ քննչական կոմիտեից։