«Կրասնոդարն» առաջին անգամ նվաճեց Ռուսաստանի չեմպիոնի տիտղոսը

Ռուսաստանի Պրեմիեր լիգայի վերջին՝ 30-րդ տուրում, «Կրասնոդարը» սեփական հարկի տակ վստահ հաղթանակ տարավ Մոսկվայի «Դինամոյի» նկատմամբ (3:0), ակումբի պատմության մեջ առաջին անգամ դարձավ Ռուսաստանի չեմպիոն։

«Ցուլերի» չեմպիոնական գոլը հեղինակեց Ջոն Կորդոբան, որը եզրափակեց Հայաստանի ազգային հավաքականի կիսապաշտպան Էդուարդ Սպերցյանի փոխանցումը։ Հայ կիսապաշտպանի երկրորդ փոխանցումն էլ գոլի վերածեց Նիկիտա Կրիվցովը՝ ձևակերպելով խաղի վերջնական հաշիվը։

Զուգահեռաբար ընթացող խաղում «Զենիթը» 3։0 հաշվով հաղթեց «Ախմատին» և 66 միավորով զբաղեցրեց մրցաշարային աղյուսակի երկրորդ հորիզոնականը։


Հրապարակվել են կադրեր՝ Էդուարդ Սպերցյանն ու թիմակիցները տոնում են չեմպիոնությունը: