Անչելոտին ստանձնել է Բրազիլիայի հավաքականի մարզչի պաշտոնը

Մադրիդի «Ռեալի» գլխավոր մարզիչ Կառլո Անչելոտին ստանձնել է Բրազիլիայի հավաքականի գլխավոր մարզչի պաշտոնը։ Այս մասին հաղորդում է Բրազիլիայի ֆուտբոլային ֆեդերացիայի կայքը։

Անչելոտին Բրազիլիայի հավաքականը կգլխավորի մինչև 2026 թվականի աշխարհի առաջնությունը:

«Անչելոտիի ներգրավումը Բրազիլիայի հավաքականի ղեկավարության մեջ պարզապես ռազմավարական քայլ չէ։ Սա հայտարարություն է ամբողջ աշխարհին, որ մենք վճռական ենք՝ վերականգնելու պատվանդանի ամենաբարձր աստիճանը։ Նա պատմության մեծագույն մարզիչն է, և այժմ նա կգլխավորի մոլորակի մեծագույն թիմը: Միասին մենք կգրենք նոր փառահեղ գլուխներ բրազիլական ֆուտբոլի համար», - ասել է Բրազիլիայի ֆուտբոլային ֆեդերացիայի նախագահը։ 

Անչելոտին 65 տարեկան է, նա «Ռեալը» գլխավորում է 2021 թվականից, ինչպես նաև մադրիդյան ակումբում աշխատել է 2013-2015 թվականներին: