Պարեկն ու ոստիկանը հատուկ պահպանվող տարածք տեղափոխված մեքենաներ և պահեստամասեր են վաճառել
Պարեկն ու ոստիկանը հատուկ պահպանվող տարածք տեղափոխված մեքենաները վաճառել են, ինչպես նաև հափշտակել ու վաճառել են մեքենայի մասեր: Այս մասին հայտնում է Hayastan.news-ը:
Հարուցված քրեական վարույթի շրջանակում նրանք ձերբակալվել են:
Ծառայողների ձերբակալության մասին տեղեկությունը հաստատել են Հակակոռուպցիոն կոմիտեից, վարույթի վերաբերյալ այլ մանրամասներ չհայտնեցին:
Նշենք, որ ձերբակալվածներից մեկը, որն այժմ պարեկ է, նախկինում զբաղեցրել է պարեկային ծառայության Երևանի գնդի հերթապահ ծառայության բաժնի նախկին պետի պաշտոնը, մյուսը ենթադրյալ հանցանքը կատարելու պահին, և հիմա աշխատում է հերթապահ ծառայությունում:
