Վայրագությունները իրենց մոտ վաղեմության ժամկետ չունի. Զախարովա

Ռուսաստանի Արտաքին գործերի նախարարության պաշտոնական ներկայացուցիչ Մարիա Զախարովան ուշադրություն է հրավիրել Երկրորդ համաշխարհային պատերազմի ավարտի 80-ամյակին նվիրված X սոցիալական ցանցում Գերմանիայի ԱԳՆ-ի տարբեր լեզուներով հաղորդագրությունների տարբերությունների վրա, կոչ անելով ներողություն խնդրել: Այս մասին նա գրել Է  Telegram-ի իր ալիքում:

«Բեռլինը պետք է ներողություն խնդրի ռուսալեզու տարբերակի բացակայության վրա։ Ինչու Գերմանիայի ԱԳՆ-ի ռուսալեզու լսարանը չի արժանացել ափսոսանքի և զղջման խոսքերի այն վայրագությունների համար, որոնք Հիտլերի ռեժիմը կազմակերպել է Եվրոպայում։ Հարց Բեռլինին և նրա նոր կանցլեր Ֆրիդրիխ Մերցին: Կարծում եմ, որ պատասխանը պարզ է, նրանք ափսոսանք չունեն, երբ սպանում են խաղաղ բնակիչներին: Մենք երեք տարվա ընթացքում համոզվեցինք, որ դա իրենց մոտ վաղեմության ժամկետ չունի», – գրել Է նա:

Զախարովան նաև կոչ է արել Գերմանիային հրաժարվել «Կիևի նեոնացիստների» աջակցությունից, դադարեցնել զենքի մատակարարումները,  հեռու մնալ նրանցից, ովքեր հարձակումներ են գործում քաղաքների վրա և սպառնում համաշխարհային առաջնորդներին: Նա ընդգծել է, որ դա «վատ սկիզբ» չէր լինի Եվրոպայում խաղաղության և ազատության պաշտպանության պարտավորությունների կատարման համար:

Ավելի վաղ Մարիա Զախարովան հայտարարել էր, որ Գերմանիայի նախկին կանցլեր Անգելա Մերկելի գործողությունները խաթարել են միջազգային հանրության վստահությունը Գերմանիայի միջնորդական դերի նկատմամբ: Դիվանագետի խոսքով՝ 2015 թվականից Մերկելը պնդում էր, որ Բեռլինը ակտիվորեն մասնակցում է «նորմանդական ձևաչափին» և աջակցում է Մինսկի համաձայնագրերի իրականացմանը, սակայն այդ հայտարարությունները չեն համապատասխանել իրականությանը: